倒爿耳仔長長長
正爿日落半林中
若是欲問佗一字
親像雷公佇空中 陳
這字講起真簡單
一點毋對有四畫
請你用心頭殼想
多寫物件減講話 文
倒爿和咱仝動物
正爿夏朝尾國王
若是欲問佗一字
講竅你就想會通 傑
倒爿寫來是十八
正爿寫來是十八
總共畫數就是八
寫來寫起攏無八 林
薰軀親像一隻鵝
飯匙就是我的喙
寒天飛來到台灣
看鳥的人真陶醉 :飯匙鵝(烏面抐桮)
看人袂爽講是我
有人講我烏擱bai2
有人出門想著我
用我傷緊講bye bye 機車
這種物件真稀奇
無風無搖伊會吼
無跤嘛是會曉走
無手講會捙糞斗 海湧
大人攏愛攬我腰
甲我尻川放火燒
有人講我芳芳芳
有人看我趕緊溜 食薰
補肉就是我的名
一陣囡仔分雙堆
看著我來就要閃
因為我會展神威 躲避球
有人講我一隻馬
其實我是海底魚
有人掠我來做藥
你講我是啥物魚 海馬
這個所在真怪奇
生囝只求生查甫
其實查某真乖巧
能力有時贏查甫 隘丁城
一種水果真稀奇
親像磟碡佇天頂
切塊親像一粒星
大湖會使看著伊 楊桃
一種樹仔真稀奇
若欲治嗽用著伊
往過大湖湖東村
舊名就是因為伊 茄苳
這條溪名真稀奇
溪底看無一點水
會使曝衫曝菜晡
毋知當時才有水 礁溪
有人講我住非洲
有人講我是齒膏
你若遠遠看著我
一定毋是提菜刀 烏人
遮是麻雀連莊地
嘛是王梨出上濟
若是經過這塊地
吃塊王梨兼泡茶 二湖
有人講我一隻馬
但是薰軀揣無跤
若欲要我行振動
千萬一定要用跤 鐵馬
我的薰軀大擱圓
熱天來食正著時
運動了後喙焦時
大喙食落莫躊躇 西瓜
古早做田需要我
有了機器無愛我
囡仔無乖講是我
講來講去攏是我 牛
我的薰軀八隻跤
行路毋敢直直行
若是拄著燒滾水
彼陣就是我上驚 毛蟹
魚仔就是我上愛
愛掠鳥鼠上出名
有人講我有九命
十二生肖無排名 貓
看著主人尾搖搖
我是人類好朋友
看著生份大聲叫
敢若二個有冤仇 狗
有人問我啥物花
其實我是像“喇叭”
日本叫我是朝顏
若是袂曉看冊吧 牽牛花
有人講伊一隻魚
其實毋免藏水沫
常常看著佇廟寺
有人念經用著伊 木魚
你看著我活跳跳
其實我是死翹翹
若是無靠人的手
那會看我活跳跳 布袋戲
我是烏雲好麻吉
愛看烏雲拚白雲
上愛烏雲贏白雲
煞來就是我的份 雨
這隻公車真稀奇
十一就是伊數字
毋免加油就振動
陪咱四界走千里 人
一個物件四角形
頂懸有圖有數字
若是思念故鄉人
動手寫批用著伊 郵票
人講阮是二隻船
穿去人的薰軀頂
欲問啥人駛較緊
會使講是無一定 鞋仔
三長二短就是我
頂懸擱有kham3厝瓦
洗衫煮飯佮寫字
啥物代誌攏靠我 手
你是我的好兄弟
我行一步你嘛是
你的薰軀烏趖趖
若欲變白等何時 影
人講我是怪動物
出世塗跤四界爬
大漢二跤走四方
老來怨嘆來日短 人
我的薰軀軟軟軟
用刀來切切袂斷
大喙灌入腹肚底
喙焦走去別位囥 水
一尾看來長長長
有人甲伊叫做溜
薰軀摸來冰冰冰
有人看著嘛欲溜 蛇
本來我是一隻牛
有人大喙開開開
甲我尾溜咬咬去
來報官府甲伊關(kuinn) 告
倒爿寫起千減一
正爿寫起九十九
阿爸講是伊阿兄
仝爸仝母仝厝兜 伯
有人講我一個壺
想欲貯水貯袂滿
其實毋是一個壺
欲貯水嘛貯袂滿 大湖
大於小於和等於
這節毋是學算數
是欲來臆一個字
頭殼想想就會曉 互
這字寫起真怪奇
四箍輾轉攏是山
種稻的人要用伊
寫來寫去看無山 田
一個物件彎擱曲
薰軀親像人的眉
阿媽唸唸就擲掉
孫仔笑伊是戇呆 象桮